2024 INVADER QUATTRO

Silwerskoon en netjies – feitlik nog net soos ‘n nuwe! Volledig toegerus met alle standaardtoebehore wat onder andere insluit: breekware, 3 kg gasbottel, mikroglofoond, gasstoof, wasbakke, paslakens vir matrasse, stort, tentafdak, geyser (gas en 220 V), 100 liter watertenk, 2 dubbel USB- en 2 x 12 V sokke en Andersonsok sodat battery vanaf sleepvoertuig gelaai kan word. Die volgende is splinternuut en nog nooit gebruik nie: 81,5 liter Snomaster dubbelkompartement ys/vrieskas met afstandbeheer, toilet, grondseil, opvoutafel, Campmaster storttent en 2 x 20 liter jerrykanne. Daar is ‘n Victron-stelsel vir solar en die nuwe eienaar moet slegs die solarpanele volgens sy keuse aanskaf. Die wiellaers is gediens en remme nagegaan. Die woonwa word met ‘n padwaardigheidsertifikaat verskaf. Die voordeel van die Invader is dat jy as’t ware ‘n sleepwa met min windweerstand sleep met positiewe gevolge vir brandstofverbruik, maar in ‘n woonwa kampeer. Dit pas ook gemaklik in ‘n standaard motorhuis. Hierdie wa lyk werklik nog soos ‘n nuwe een en is in ‘n skoutoestand. Kom kyk gerus na die wa waar hy in my motorhuis in Lynnwood Manor, Pretoria staan.